LA UNION – Naipilan idiay piskalya ti kaso a panaglabsing ti Comprehensive on Dangerous Drugs Act kontra ti tsuper a naaresto gapu ti maipagarup a panaglako daytoy iti droga idiay Barangay Bacuit Sur, ili ti Bauang, La Union.
Nabigbig ti suspek a ni Alexander Perez, residente ti Barangay Central West ti nasao nga ili.
Naammuan ti Bombo Radyo manipud iti Bauang Police Station, maysa a sachet a naglaon iti maatap a shabu ken P500 a buy bust money ti nakompiskar manipud iti ikot ti suspek.
Agtaltalinaed iti pagbaludan ti suspek kabayatan a maur-uray ti pagbanagan ti kaso daytoy.
