LA UNION – Namnamaen iti amin a mammanday-linteg idiay kongreso a sungbatan ni House Speaker Gloria Macapagal Arroyo iti ‘concern’ ti tunggal maysa iti sidong ti panangidaulona.
Daytoy iti impaganetget ti Bombo Radyo ni Senior Citizen’s Partylist Rep. Mila Magsaysay maipapan ti panakapili kas speaker of the house ti kumare ken nasinged a gayyemna a ni Pampanga Congresswoman Arroyo.
Sigun kenni Congresswoman Magsaysay, ammona ti kabaelan ni Arroyo nga addaan ti nasayaat a working habit kas mammanday-linteg ken mas kwalipikado daytoy a tumakder kas mangidaulo ti Kongreso.
Inkalintegan met ni Magsasay ti house speaker manipud kadagiti kritiko daytoy nga agtultuloy a mangbababalaw ken mangibagbaga nga inagawna ti posisyon kenni Rep. Pantaleon Alvarez.
Kinuna iti pannakabagi ti Senior Citizen’s Partylist, nga awan ti napasamak a kudeta wenno panangagaw iti turay gapu ta makita met nga overwhelming iti napasamapak nga eleksyon ken kaadduan kadagiti padana a kongresita ket kayatda a ni Arroyo iti mangidaulo ti Kongreso.
Iti agdama kinunana, mas nasaysayaat nga ituloyda laengen nga asikaswen dagiti trabaho idiay Kamara.
