Manamnama a mangpakaro iti taray ti trapiko ti panangibiahe ti maysa a Tunnel Boring Machine (TBM) iti Metro Manila Subway Project inton bigat, aldaw ti Dominggo, Mayo 24.
Maiyakar iti TBM manipud Plaridel, Bulacan agturong ti North Avenue Station sadiay Mindanao Avenue, Quezon City manipud alas-2:45 ti parbangon agingga alas-sais ti bigat.
Dumalyasat daitoy kadagiti kawatiwatan ti C3 Road, Araneta Avenue, Quezon Avenue, Elliptical Road, ken North Avenue.
Mangidutok kadagiti tao iti Traffic and Transport Management Department (TTMD) ken Department of Public Order and Safety (DPOS) tapno ipasiguro ti nannayas a taray ti trapiko kadagiti apektado a lugar.
Binallaagan ti Gobierno-Ciudad ti Quezon dagiti motorista a mangaramat kadagiti alternatibo a ruta.
Mausar iti TBM iti panang-abot kadagiti tunnels a mangkonektar ti North Avenue Station ken Quezon Avenue Station iti Metro Manila Subway Project.
