Saan a ninamnama ni Mr. Daryl Dacumos, Tourism Officer ti San Gabriel, La Union ti panagngato iti bilang ti turismo kasaruno metten ti dakes a kasasaad ti paniempo idi kallabes a long-weekend.
Inbinglay na a kadagiti naglabas a lawas ket nagsasaruno dagiti bagyo a dimmuprak ditoy probinsya, kakaroan idi Bagyong Emong, ken daitoy laeng kallabes a long-weekend iti maysa a namnama ti lugar da tapno maisubli ti turismo. Maseknan ni Mr. Daryl gapo kadagiti mabuybuya na a kasaad dagiti major markets ti turismo ti San Gabriel kas iti NCR ken CALABARZON a malaylayos ken apektado iti dakes a paniempo.
Gapo iti daitoy ket naragsakan isuna a napno dagiti nagkasapulan kadagiti tour guides kasta met a napigsa ti pasada dagiti jeep ken kinasapulan pay dagiti nasurok-kumurang sangaribo a turista ti aguray tapno maakomodar da amin.
Laksid ti kaadda ti dakes a kasasaad ti paniempo, partikular idi ngudo ti lawas a nalulem ti tangatang ken adda iti nadadagsen a panagtudo, nakailista latta ti San Gabriel ti 50% Arrivals para iti aldaw ti Dominggo kadagiti turista a nagbiahe iti aldaw ti Sabado. Nabiit pay iti akomodasyon iti tour guide area ken nagbalin a naannayas ti kapadasan dagiti turista.
Kinuna ni Mr. Daryl a natural laeng iti mabannog nga agpasang-at agturong ti Tangadan Falls ngem awan ti pagdanagan ta kanayon met a nakabantay dagiti tour guides a trained first-aid providers metlaeng. Nagpanawagan lattan iti opisyal kadagiti turista a pagtalinaeden a nadalus iti lugar ken itugot pababa dagiti mapartuat da a basura.
