Madanagan ita dagiti turista manipud Hong Kong gapo iti tsismis nga agwarwaras online mainaig iti mapasamak a delubyo ita a Hulyo 5, 2025, idiay Japan a naibasar ti maysa a “Manga” wenno Japanese comic.
Gapo iti daitoy ket bimmaba ti 11% ti bilang dagiti bumisbisita iti pagilian manipud pay idi bulan ti Mayo ken sumagmamano metten nga airlines ti nagkanselar kadagiti flights da nga agturong idiay Japan.
Nupay pinaglibakan met ti author ti Manga a ni Tatsuki ti isyu mainaig ti prediksyon iti kabaroan nga edisyon ti comic book na, adu latta ti mamati nga adda iti koneksiyon daitoy iti sumangpet a delubyo.
Idi pay Marso 2011 iti nai-publish ti umuna nga edisyon iti Manga ken naaramidan daitoy nga iprediktar ti napigsa a ginggined ken tsunami iti pagilian da.
Laksid iti daitoy ket awan pay met ti impaulog nga abiso ti gobierno ti Japan mainaig iti mapatta-patta a mapasamak a didigra, malaksid ti panagbakwit dagiti residente sadiay Toshima Island, kasaruno dagiti nailista nga agarop sangaribo a nakakapsot a panagdayeg.
