Siraragsak nga inwaragawag ti telivision host a ni Robi Domingo ken ti asawana a ni Maiqui Pineda ti pannakaipasngay ti umuna nga anakda.
Iti maysa nga Instagram video, inbinglay ti agassawa dagiti kanito iti ospital a sadiay makitada a nakaiggem iti kappasngay a maladagada.
Dagus a naglayos iti kablaaw manipud kadagiti gagayyem ken pada na a celebrities.
Nangrugi iti relasion da Domingo ken Pineda idi Agosto 2018 ken nagkasarda idi Enero 6, 2024 iti Diocesan Shrine and Parish of San Isidro Labrador idiay Pulilan, Bulacan, kalpasan ti nasurok lima a tawen a panagdenna-da.###
