BR LA UNION – Inyakar ti US military iti Typhon missile launchers -na manipud iti Laoag airfield ti Pilipinas iti baro a lokasyon iti isla ti Luzon.
Ti nasao a launcher ket kabaelanna ti agpatayab ti multipurpose missile agingga iti rinibu a kilometro.
Dagiti Tomahawk cruise missiles kadagiti launcher ket kabaelan na a tirwan ti puntirya na iti agpada a China ken Russia manipud ditoy Pilipinas bayat a dagiti SM-6 missilesn daytoy ket kabaelanna a tamaan iti air wenno sea targets na iti nasurok a 200 km wenno 165 a milya ti kaadayona.
Kinuna ti maysa a saan a nagpainagan a nangato nga opisyal ti gobierno ti Pilipinas, a makatulong ti redeployment ti launcher iti panang-determina n u sadino ken kasatnu a kapartak ti panaggaraw ti missile battery iti baro a firing position.
Nakita iti nasao a pannakaiyakar ti typhon missile launcher kas wagas tapno aramiden a mas survivable daytoy iti tengnga ti conflict.
Agpada a nagkedked ti United States Indo-Pacific Command (INDOPACOM) ken ti gobierno ti Pilipinas a mangipaay iti specific location a nakaiyakaran ti typhon missile launcher.
Inlawlawag met ni Commander Matthew Comer ti INDOPACOM a saan nga indikasyon ti pannakaiyakar ti lokasyon ti missile launcher a permanente nga agtalinaed daytoy iti Pilipinas.
Maipalagip nga immani ti pammabalaw manipud China iti deployment ti nasao a weapon ditoy Pilipinas idi Abril 2024 iti kangitingitan ti training exercise.
Idi Setyembre, imbaga ti US nga awan ti plano na nga ikkaten iti Typhon missile launcher ditoy pagilian, banag nga agpada a kinondena ti China ken Russia.
