Ibilbilang a mas napigpigsa ita ti Typhoon Talim no idleg kadagiti naglabas a bagyo a dimmuprak iti pagilian a Taiwan.
Segun kenni Mary Aragon, nga tubo ti Barangay Sto. Domingo Sur, iti ili ti Luna, La Union ken liman a tawen nga agtatrabaho idiay Taipei, kas Overseas Filipino Worker (OFW), mas napigpigsa ti Typhoon Talim gaputa sibubukel a Taiwan ti apektado daytoy.
Kinuna na, saanda pay laeng a simrek iti trabaho tapno maliklikkan ti peggad a gubwayen ti bagyo.
Awan pay met kuna na ti agpapanic buying ken agtaltalinaed a nakalukat ti amin a pagtagilakuan sadiay.
Madama ita a marikrikna ita ti napigsa a panagtudo ken angin iti nasao a pagilian.
Naamuan a ti Typhoon Talim ket ti international name ti bagyo a limmabas iti Philippine area of responsibility (PAR) a Typhoon Lanie.
