Kinondenar ti Estados Unidos iti mapapati a pananglapped ti China Coast Guard ken People’s Liberation Army Navy iti Philippine rotation and resupply (RoRe) mission sadiay Ayungin Shoal idi Setiembre 24.
Segun kenni U.S. Ambassador to the Philippines Lee Lipton, napeggad ken irresponsable dagiti naaramid a maniobra a dandani nakaigapuan ti panagdinnungpar ken nagresulta iti saan a panagsangpet dagiti regular a suplay para kadagiti personnel ti BRP Sierra Madre.
Kenuna ti Armed Forces of the Philippines a ti M/V Lapu-Lapu ken tallo a support vessels ket sinabat ti tallo a barko ti China navy ken lima a barko ti China Coast Guard bayat nga adda iti agarup 60 nautical miles manipud iti shoal.
Kabayatanna, impasardeng ti Philippine Coast Guard iti mision idi agarup alas-11:08 ti rabii para iti kinatalged dagiti personnel.
Iti sabali a bangir, impasigurado ti Estados Unidos iti suportada iti Pilipinas ket nagpanawagan iti China nga isardeng dagiti maniobra a mamagpeggad iti kinawaya iti panaglayag ken seguridad iti rehion.
Ti Ayungin Shoal ket sakop ti South China Sea arbitration a nairuar idi 2016, a mangibagbaga nga awan ti legal a basaran iti sidong ti UNCLOS iti nalawa a maritime claims ti China a nadakamat iti kaso.###
