Ninayunan pay ti United Kingdom dagiti soldado ken air defense systems kadagiti dadduma a base militarda.
Segun kenni UK Defence Secretary John Healey, nangipaayda ti kanayonan nga air defense iti Saudi Arabia, Kuwait, ken Bahrain.
Agtultuloy met ti panagtayab dagiti British Typhoon jets nga agturong idiay Qatar.
Malaksid ditoy ket nangipatulodda met ti nasurok 1,000 a soldado ti UK.
Simmarungkar ni Healey idiay Qatar ken impasiguradona a nakasagana ti UK a mangsalaknib kadagiti pagilian idiay Middle East.
Inlawlawagna nga aginggana ita ket nasinged a kaalyado ti Estados Unidos iti United Kingdom.###
