Plano ti Ukraine a mangidiaya ti kabaroan a peace talks iti Russia kadagiti sumarsaruno nga aldaw.
Segun kenni Ukrainian President Volodymyr Zelensky, kadagiti sumarsaruno nga aldaw ket isingasing da iti saritaan pang-kinakapia ngem iti dasig met ti Russia.
Maipalagip a dua a daras iti naisayangkat a panagsarita ti dua a pagilian idiay Istanbul, Turkey, ngem dua a daras met napaay a malpas iti nasao ceasefire agreement.
Impaganetget ti Ukrainian President a nakasagana daytoy a personal a makisarita kenni Russian President Vladimir Putin.
Idi napalabas a lawas ket inlatag ti Russia dagiti sumagmamano a kondisyon kas iti panangpanaw ti Ukraine kadagiti teritoryo ken saan nga umawat ti tulong manipud kadagiti nadumaduma a pagilian.
Immunan a kenuna ti Russia a nakasagana met daytoy a makisarita iti Ukraine. Daytoy a waragawag ket kalpasan nga inikkan isuda ni US President Donald Trump ti ultimatum a 50 nga aldaw tapno mangisayangkat ti panagtaripnong wenno panagsarita ken no mapaay dagitoy ket mapatawan da ti nadagdagsen a dusa kas iti nangato a taripa.#
