Kinumpirma ti Ukraine a nadadael da dagiti dua a kangrunaan a rangtay ti Russia babaen ti panagusar dagiti nalaka a klase ti drones nga aggatad ti 600 dollar tapno pabettaken dagiti mines ken ammunition nga inmula ti Russian forces.
Immunan nga impakat ti Russia dagiti bomba kadagiti dua a rangtay tapno mapabettak iti kanito a kellaat nga umabante dagiti puersa ti Ukraine, ngem us-usaren daytoy ti Russia tapno maka-resupply kadagiti suldado–banag nga inaramat ti Ukraine para ti bukod da a bentahe.
Nangisayangkat ti operasyon iti 58th Separate Motorized Infantry Brigade ti Ukraine kalpasan a madlaw iti mapagduduaan nga aktibidad iti lugar.
Iti video nga ala ti drone, nadiskubre dagiti nagkakadakkel a bulto dagiti anti-tank mines ken dadduma pay nga ammunition ken pidaso ti tela a naka-akkob.
Awan pay iti komento nga inruar ti Russia maipanggep iti panagpabettak ti Ukraine.###
