Inbatad ni sigud a congressman ken agdama a Liberal Party (LP) acting president Lorenzo “Erin” Tañada III a mabalin a mangipila iti impeachment complaint ti umili a Pilipino kontra kadagiti miembro ti Korte Suprema.
Inwaragawag daitoy iti opisyal kasaruno a makagun-od iti nalawa a panangbabalaw manipd iti publiko ti nagbalin a desisyon ti Korte Suprema nga ideklara kas mailabsing iti linteg ti articles of impeachment kontra kenni Bise Presidente Sara Duterte.
Kinunana a mabalin a ma-cite kas grounds ti reklamo ti panaglabsing ti Article XI ti 1987 Philippine Constitution. Nakailanad ditoy ti Accountability of Public Officers kasta met a pakabasaan ti impeachment procedure. Nu saan met kunana, mabalin latta a grounds ti betrayal of public trust para ti saan a panangitandudo iti Article XI.
Agtalek ni Tañada a saan nga agtungpal iti constitutional crisis ti panangipila ti impeachment complaint kontra kadagiti Hukom ti Korte Suprema agsipud ta naaramid metten iti kapada nga aksyon idi.
Nupay kasta ket inlawlawag na met a saan da nga itantandudo iti nasao nga aksyon kontra iti korte nu ketdi ket maysa laeng a pagilian dagiti umili a Pilipino ken ti damag laengen ket nu adda metlaeng iti mamanday-linteg a mangendorso ti impeachment complaint nu kaspangarigan.
Ti waragawag ti sigud a mamanday-linteg ket kasaruno idi nadamag isuna ti maysa a press conference apaman nu makita ti tao nga unconstitutional ti nagbalin a desisiyon ti Korte Suprema.
Kabayatanna, agtalek pay ti Liberal cting president a ti panag-archive ti articles of impeachment ket saan a kayat a satwen a natayen iti saritaan agsipud ta naikabil laeng daitoy iti library wenno vault a mabalin a malukatan apaman makaapektar iti kaso.
