Nangisayangkat iti parada dagiti umili ti Iran tapno ipakita iti suporta para iti gobiernoda.
Imbida ti Iranian military dagiti sumagmamano a war weapons. Segun kadagiti nakipaset, nakasagana da a matay para iti pagilian da apaman nga adda dagiti umay mangraut, nangruna iti Estados Unidos.
Indauloan ni Iranian President Masoud Pezeshkian iti parada, kakadwa dagiti soldado, pulis, ken dagiti commander ti Islamic Revolutionary Guard Corps (IRGC).
Maipalagip nga inwaragawag ni US President Donald Trump a kadagiti sumaganad nga aldaw ket desisyonan na dagiti agbalin nga addang ti gobierno da kontra Iran.
