Nangisayangkat ti panagtitipon dagiti umili idiay Ukraine tapno lagipen dagiti natay a suldado ken kailianda iti maikapat a tawen a panagraut ti Russia.
Napunno dagiti bandera ti Ukraine iti Maidan Square idiay Kyiv sakbay a naangay ti apagbiit a panagulimek.
Dagiti umili ti Bucha ket nangidaton ti sabong kadagiti tanem dagiti soldado a natay itipannakirangetda iti Russia.
Kinuna ni Ukraine President Volodymyr Zelensky a saanda a naabak iti gubat ken depensaan ti wayawayada.
Agtultuloy met a makisarsaritana kadagiti alyado a pagilian tapno mangipaay iti suporta maibusor iti Russia.###
