LA UNION – Inyanunsion iti organizers iti Metro Manila Film Festivals ti sumagmamano a pelikula a makipaset ita a tawen. Nangun-una ti action-drama a “The Kingdom” a pagbidaan ni Vic Sotto.
Daytoy ti umuna a panagparang ti aktor iti MMFF kalpasan ti lima a tawen, ti naudi ket iti 2019’s “Mission Unstapabol: The Don Identity” a kaduana ni Maine Mendoza.
Maikadua ti pelikula a “And The Breadwinner Is” a bida da Vice Ganda, Eugene Domingo ken Jhong Hilario.
Karaman pay ti pelikula a “Himala Musical: a bida ni Aicelle Santos bayat ken ti dua a pelikula a pakairaman ti “Green Bones” a bida da Sofia Pablo ken Dennis Trillo ken ti maudi ket “Strange Frequencies: Haunted Hospital” a bida ni Jane De Leon ken ni Enrique Gil.
Segun kenni Metro Manila Development Authority Chairman Romando Artes, adda 39 nga scripts a naisubmitir kadakuada.
Ita a tawen a selebraran ti maika-50 a tawen,isu a inkeddeng ti organizers nga ipangato ti nakipaset a pelikula iti 10 no idilig iti walo idi napan a tawen.
Maipalagip a idi napalabas a tawen adda pakabuklan a birok a P1,069 bilyon pesos iti 10 pelikula a nalab-awan ti record idi 2018.
