LA UNION – Kinumpirma iti Bombo Radyo La Union ni Burgos Mayor Robert Madarang a maysa a 34-anyos a lalaki manipud Brgy. Libtong iti nailista a kaunaan a kaso ti Covid-19 iti nasao nga ili.
Iti umuna a Covid patient idiay ili ti Burgos ket agtrabtrabaho kas maysa a security guard iti maysa a bangko idiay syudad tiBaguio.
Gaputi dayta, naka-lockdown iti Barangay Libtong epektibo itay alas 12:00 ti tengngat rabii, July 28.
Kabayatanna, maysa pay a kaso ti covid 19 ti nainayon iti listaan ti City Government of San Fernando.
Iti maika-31 a kaso, segun iti City Health Office (CHO) ken Department of Health (DOH) ket maysa a 35-anyos a babae manipud Barangay San Agustin (Purok 2B) ken na-expose kenni Patient #26 nga adda ita iti isolation facility ti syudad.
Iti Barangay San Agustin ket agtaltalinaed a nakapasidong iti heightened community quarantine until further notice.
Nupay kasta, adda met iti napintas nga impadamag ti lokal a gobyerno kalpasan a kinumpirma na nga adda iti lima a COVID patient recoveries manipud iti agdama a 24 active cases.
Kinapudno na, naka-awiden iti bukod da a pamilya dagiti lima ngem nasken nga agtungpal dagitoy iti strict home quarantine.
Idiay met ili ti Caba, walo ti nailista a baro a COVID-19 recoveries, base iti official statement ti Provincial Government of La Union.
