Inawagan ni House Lead Prosecutor Gerville “Jinky Bitrics” Luistro a balligi para iti umili a Pilipino iti umuna nga aldaw ti impeachment trial iti Senado, kalpasan nga agdur-as iti proseso nga intuding iti sidong ti Konstitusion.
Iti press conference kalpasan iti panagusig, kenuna ni Luistro a napateg nga addang iti panaglukat ti impeachment trial gapu ta naipatungpal iti mekanismo ti pagsungbatan iti Konstitusion.
Segun kenkuana, naiwaragawag ti prosekusion ken depensa iti opening statements-da ken natalantan dagiti isyu iti pre-trial conference.
Kenuna met ni Luistro a mangrugi ita nga aldaw iti presentasion ti ebidensia ti prosekusion, mangrugi iti umuna nga artikulo ti impeachment a mangtaltalantan iti maipagarop a panangipangta.
Innayon na pay, binigbig met ti impeachment court iti kiddaw nga agsasaruno ti pangisango ti Articles of Impeachment nga agserserbi a basaran iti panagdur-as ti panagusig.###
