Mamati ni Senador Panfilo Lacson a mabalin nga usaren ti gobierno ti Pilipinas ti United Nations Convention Against Corruption (UNCAC) a naadaptar ken epektibo idi 2003 ken rinatipikaran ti Senado ti Pilipinas idi 2006.
Segun kenni Lacson, agtalinaed a balido nga internasional a katulagan iti panagtitinnulong dagiti pagilian a manglaban iti panagkunniber kas iti panangaresto iti asinoman a karaman ken panangidatag kadakuada iti hustisia.
Ti Pilipinas ket maysa kadagiti nagpirma iti katulagan kadua dagiti 191 a pagilian, isu a sigurado iti napartak a pannakabirok ken pannakaiyawid iti sigud a mammanday-linteg.
Daytoy ket no kiddawen ti pagilian nga aramaten dagiti resources a sagudayen ti Article 138 a mang-obliga iti tunggal estado a tulungan dagiti padada a signatory iti imbestigasion ken criminal proceedings kadagiti kaso a mainaig ti korapsion.
Mabalin nga adalen ti Office of the Ombudsman, Department of Justice, ken ti Department of Foreign Affairs iti nasao nga addang tapno maipasangon ni Co kadagiti kasona.
Iti agdama, kanselado iti pasaporte ni Zaldy Co, ken nagkiddaw metten iti gobierno ti Pilipinas ti red notice iti International Criminal Police Organization.#
