Kinondina ti United Nations iti inarami nga airstrikes ti Estados Unidos kadagiti bangka a nagkarga dagiti iligal a driga idiay Caribbean ken Pacific Sea.
Segun kenni UN human rights chief Volker Turk, maibilan kas “extrajudicial killing” iti inaramid ti Estados Unidos.
Saan a nakailintegan iti ar-aramiden ti Washington ken rumbeng laeng nga isardeng daytoy.
Nagpanawagan met isuna ti imbestigasion maipanggep iti nasao nga insidente.
Maipalagip a nasurok 60 nga indibidual iti pimmusay kadagiti sumagmamano nga insidente ti airstrike ti Estados Unidos.
Ibilang ni US President Donald Trump nga iti ar-aramiden da ket tapno maisardeng iti panagwara ti ilegal a droga iti lugar.###
