Nakasagana a mangipatulod ti aniaman a klase ti suporta iti United Nation ditoy Pilipinas kasaruno ti timama a napigsa nga gingined idiay Davao Oriental ita nga aldaw ti Biernes, Oktubre 10.
Segun kenni UN Philippines Resident Coordinator Arnaud Peral, naka-standby dagiti maseknan nga ahensiya ti United Nation tapno rumisponde no kaspangarigan agkiddaw ti tulong iti gobierno.
Impasigurado met ti UN official iti kanayun a panakikoordinar iti gobierno ken dagiti lokal nga otoridad kasta met dagiti civil society organizations para iti panag-activate kadagiti networks.
Mangisaysayangkat met iti agdama ti assessment iti UN team ditoy pagilian iti sitwasyon kadagiti kadagiti lugar a dinayyeg ti gingined.
Inwaragawag met ti acting head ti UN Office for the Coordination of Humanitarian Affairs in the Philippines a ni Joseph Addawe nga addaan ti contingency plan iti ahensiya a nakalatag tapno mapapartak iti panagresponde no kaspangarigan masapol iti suportada.
Maipalagip nga iti UN Philippines ket karaman iti maysa kadagiti international organizations a nagkari ti dagos a humanitarian assistance kadagiti apektado a komunidad.###
