Apagapaman a ngimmato ti unemployment rate iti pagilian agingga iti 4.9%, wenno mapattapatta a 2.59 million a Pilipino idi Hunio 2026, segun ti Philippine Statistics Authority (PSA).
Nangatngato daytoy no idilig iti 4.8% wenno 2.50 million nga awanan ti trabaho idi Mayo 2026, ken 3.7% wenno 1.95 million nga awanan ti panggedan idi Hunio 2025.
Segun ti PSA, agtaltalinaed nga addaan ti kadakkelan a paset ti pakabuklan nga empleyo iti services sector iti 62.7%, sarunuen ti sektor ti agrikultura iti 20%, ken ti sektor ti industria iti 17.3%.
Naibasar ti datos iti Labor Force Survey a naisayangkat manipud Hunio 8 agingga 27, 2026.
