Nangisayangkat ti search warrant dagiti otoridad iti balay ni D4vd wenno David Anthony Burke iti pudpudno a biag – kalpasan a naipadamag nga isu iti pagnanaedan na kalpasan a nasarakan iti ‘dismembered’ wenno na-chopchop ken maag-agnasen a bangkay ni Celeste Rivas Hernandez iti mismo a truck ti kotse a naipanagan kenkuana, kagiddan iti pangibutaktak dagiti netizens iti unreleased song na maipapan iti maysa a babai a kanagnagan ti biktima.
Iti pagtaengan ni Burke ket asideg iti naka-abandonaan ti lugan na a Tesla ken nakasarakan iti mapukpukaw a balasang sipud pay laeng idi Abril 5, 2024.
Nabigbig iti biktima a 15 anyos ken residente ti Lake Elsinore.
Sakbay ti panakatakuat ti bangkay ket timpuar dagiti sayangguseng nga adda ti karelasyon ni David nga agnagan ti Celeste, kas maibasar kadagiti screenshots ti mensahe a naipablaak ti maysa a fan chatrooms idi 2023.
Iti kapada a tawen ket nangaramid ti unreleased track ti singer a nakadakamatan ti nagan a “Celeste” ti mamindua a daras.
Maysa pay kadagiti pagilasinan a koneksion dagiti dua ket iti tattoo iti makin-kanawan nga index finger a “Shhh”.
Segun met ti ina ti biktima, adda ti kadate ni Celeste a managan David sakbay a nagpukaw daytoy.
Kabayatanna, kasaruno ti insidente ket kinanselar ti singer dagiti konsierto na idiay Seattle a paset ti “Withered” world tour nga agdama nga isaysayangkat na kabayatan ti imbestigasyon, ngem segun kadagiti otoridad ket makikokoordinar daytoy kadagiti imbestigador.
Saan pay met a nabigbig isuna kas person of internet wenno suspek.
(This is a developing story)
