LA UNION – Limbesen iti target a bilang dagiti healthcare workers ditoy probinsiya ti La Union, a nabakunaan ti COVID-19 vaccine.
Base iti naudi a datus nga inruar ti Provincial Gov’t. of La Union (PGLU), adda itan ti pakabuklan a 2,358 healthcare workers manipud naduma-duma nga ospital ditoy probinsiya iti nalpasen a nabakunaan.
Kaadwan a bilang ket manipud ITRMC a dumanon iti 1,157; LUMC (366); Lorma (352); Bethany (45); LUMED (143); Agoo Family (36); Bacnotan District Hospital (53); Balaoan District Hospital (54); Caba District Hospital (29); Naguilian District Hospital (50); ken Rosario District Hospital (73).
Kabayatanna, adda metten iti 175 personnels iti Phil. Navy iti nabakunaan bayat a 50 personnels iti Phil. AirForce.
Base iti mensahe nga impatulod ni La Union Information Officer Adamor Dagang, mabalin a rugyan ti panagbakuna dagiti frontliners kadagiti Rural Health Units iti sumaruno a lawas, nu adda iti naan-anay a supply ti bakuna.
Ngem aminado ni Dagang a kurang pay iti supply ti COVID vaccines tapno mabakunaan iti amin a frontliners ditoy probinsiya.
