BR LA UNION – Umaboten ti 51 a tattao ti natay kalpasan a natinnag iti nauneg a rangkis ti nagluganan da a bus idiay Guatemala City.
Agturong ti bus iti nasao a siyudad idi natinnag iti rangkis nga aguneg ti 20 meters (65 feet) partikular iti Puente de Belice bridge, a sumrek iti capital ti Guatemala.
Dagus a nagresponde dagiti rescuers tapno iya-un dagiti biktima a naipit iti natinnag a bus.
10 a pasaheros ti naisalbar dagiti rescuers.
Iti inisyal nga imbestigasyon dagiti otoridad, agpar-parang a 30 tawenen ti nasao a bus ngem adda pay laeng ti license to operate na, segun kenni Communications Minister Miguel Angel Diaz.
Maysa pay a kit-kitaen nga anggulo dagiti otoridad ket overloaded ti pasaheros ti bus, a nagkarga ti aganay 70, a nakaigapwan ti pannaka-aksidente daytoy,
Gapu iti aksidente, indeklara ni Guatemalan President Bernardo Arevalo ti tallo nga aldaw a national mourning.
