LA UNION – Mangrugi ita nga aldaw, Abril 8 ket maipasidong iti Modified Enhanced Community Quarantine (MECQ) dagiti lima nga ili ditoy probinsiya ti La Union.
Maiyannurot iti Executive Order No. 8, series of 2021, immuna nga indeklara ni Gov. Francisco Emmanuel ‘Pacoy’ Ortega III, a maipasidong iti MECQ iti ili ti Aringay, Luna, Naguilian, ken Tubao, La Union.
Bayat nga iti ili nga Agoo ket babaen iti Executive Order No. 9, series of 2021.
Dagiti nasao nga ili ket maipasidong iti MECQ iti uneg ti dua a lawas, manipud Abril 8 agingga Abril 21, 2021.
Kaipapanan daytoy a maipatungpal dagiti mas nair-irut a restrictions ken allagaden iti panagruar dagiti tattao, istrikto a panangsurot kadagiti minimum health standards, panagtalinaed iti uneg ti babbalay.
Dagiti quarantine guidelines kabayatan iti MECQ nga inyetnag iti lokal a gobyerno ket maiyemplementar babaen iti tulong dagiti otoridad ken local officials kadagiti nasao nga ili.
Malaksid a makontrol iti panagruar dagiti tattao, limitado pay iti movement dagiti transportasyon, agrikep dagiti non-essential establishments, ken maipatungpal iti curfew hour.
Kabayatanna, rinugyan metten ti PGLU nga agibunong iti ayuda para kadagiti apektado a residente kadagiti lima a nadakamat nga ili.
Iti nasao nga addang ti PGLU ket gapwanan iti panagngato dagiti kaso ti COVID 19 ditoy probinsiya.
