LA UNION – Pimmusay met laeng ni Bauang, La Union Association of Barangay Captain President Noel “Wowie” Gallardo bayat a maag-agasan iti Ilocos Training and Regional Medical Center ditoy syudad ti San Fernando, La Union.
Naamwan ti Bombo Radyo a natirwan ti bala ti paltog iti bibig ken limsut iti tengnged ti kapitan a puon ti nakatayan met laeng daytoy.
Kabayatanna, agtultuloy iti panagkalap ti ebidensya dagiti police investigators a mabalin nga usaren kontra iti suspek a ni Jeffrey Escobal ti Aurora, Isabela.
Immuna ti daytoy, pinaltugan ti suspek ni Gallardo bayat nga agay-ay-ayam ti slot machine ti biktima iti uneg ti e-games casino iti maysa a resort idiay Bauang, La Union agarop alas-7:00 idi rabii.
