LA UNION – Lalo pay a pimmigsa ti bagyo Julian bayat nga umas-asideg idiay Batanes
Naudi a nasaripatpatan ti sentro ti Typhoon Julian iti kaadayu a 150 km daya abagatan-a-daya ti Basco, Batanes.
Kabuybuyog na ti angin a 140 kilometro kada oras asideg ti sentro ken kapegges agingga 170 kilometro kada oras.
Aggar-garaw ti bagyo iti kapaspas a 15 kilometro kada oras bayat a dup-dupagenna iti amianan-a-laud.
Naipangato metten ti ballaag ti bagyo iti Signal Number 4.
Tropical Cyclone Wind Signal no. 4 ket nakabayog idiay:
BATANES
Tropical Cyclone Wind Signal no. 3 ket nakabayog idiay :
BABUYAN ISLAND
Tropical Cyclone Wind Signal no. 2 ket nakabayog idiay:
Mainland Cagayan, Apayao, and Ilocos Norte
Tropical Cyclone Wind Signal no. 1 ket nakabayog idiay:
Ilocos Sur, La Union, Abra, Kalinga, Ifugao, Mountain Province, Benguet, Isabela, Nueva Vizcaya, Quirino, and the northern and central portions of Aurora (Dilasag, Casiguran, Dinalungan, Dipaculao, Maria Aurora, Baler)
Maibasar iti track forecast, posible nga ag-landfall idiay Batanes wenno lumabas laeng iti nasao a lugar.
Agtultuloy a pumigpigsa ti bagyo Julian iti pakabuklan a forecast period ken ag-landfall ti mamindua sakbay a rumwar iti PAR inton Miyerkoles, October 2.
Segun ti PAGASA, dackel ti tyansa a pumigsa pay ti bagyo ken dumanon iti super typhoon category iti sumarsaruno nga oras.
