LA UNION – Maur-uray pay laeng ita ti resulta ti otopsia iti bangkay ti lola a pimmusay kalpasan a nagpagabut iti lima a ngipen idiay ili ti Bangar, La Union.
Immunan a nabigbig ti biktima a ni Trinidad Maynes, 76-anyos, residente ti Brgy. Ubbog
Segun iti anakna a ni Edelinda, tarigagayda a maamuan ti pudno a makagapu ti ipupusay ti inana ken no asino ti rumbeng nga agsungbat.
Maipalagip a nagpaparut iti lima a ngipen ti nasao a lola iti dentista iti ilida ngem gapu iti awan-sarday a panagdara ti gugotna ket naitaray daytoy iti Ilocos Sur District Hospital idiay Tagudin, Ilocos Sur ngem nayakar iti Ilocos Training and Regional Medical Center iti San Fernando City agingga a pimmusay.
