Naidatagen ti kaso a murder iti Office of the Associate Provincial Prosecutor idiay ili ti Bauang, La Union kontra iti maysa a Barangay Kagawad ken maysa pay a kadua daytoy Brgy. Agpay, Burgos, La Union.
.
Daytoy ti kinumpirma ni Police S/Insp. Nestor Juanbe, hepe ti Burgos Police Station iti pannakiuman ti Bombo Radyo.
Iti agdama, agtaltalinaed pay laeng iti kustodiya dagiti otoridad dagiti suspek a da Kagawad Fernando Nunog, 50, ken Fernando Bambico, 58, bayat nga ur-urayen ti commitment order ti korte no sadino ti pakaibalodan dagitoy.
Maipalagip, kalpasanda a pinang-or ti kayo ket inkabil ti agkatokayo iti bagi ti biktima a ni Jovy Pitito nga tubo ti Masbate, iti maysa a sako ken inturong iti sirok ti kawayan kagiddan ti panangbagsol ken panangtagbat kenkuana idiay Brgy. Agpay.
