SAN FERNANDO, LA UNION – Inkalintegan ti kakabagyan iti agama a suspek a nakabagsol ti 16-anyos a barito idiay Barangay Sevilla, syudad ti San Fernando, La Union kalpasan iti maipagarup nga alegasyon a nagtinnulungan da ti nasao a biktima.
Kinuna ni John Madayag, kaanakan iti suspek, awan ti kipudnona a nagtinnulungan da Marlon Cuison, 39 ken ti putotna a 16-anyos a barito, ti biktima a ni Miguelito Cea.
Sigun kenni Madayag, a maipagarup a sakbay ti insidente ket mapan laeng koma kasarita dagiti agama ni Cea gapu ta susuotenna ti ub-ubing a Cuison a lumabas lang iti sango ti balayda tapno agtrabaho.
Napartak iti pasamak kinunana gapu ta killaat lattan a rimsua ti panaggubal kasaruno ti panangbagsol iti ub-ubing a Cuison kenni Cea.
Impaganetget ni Madayag a saan a pudno a tinengngel ni Marlon ti biktima a nagbasol.
Imbatad pay ni John, maipagarup nga adda siguden a susik iti baetan dagiti dua nga agtutubo.Agtepteppel laeng ti ubbing a Cuison manipud ti maipagarup a kanayon a panangsursuron ken panangkarkarit ti biktima.
