LA UNION – Addan iti natalged a kasasaad kalpasan a nadunor ni sigud a US President Donald Trump kabayatan ti campaign rally na idiay Pennsylvania idi Sabado, maibasar iti statement US Secret Service.
Daytoy ket kalpasan a nang-ngegan ti sumagmamano a kanalbuong, a kaun-uni ti paltog.
Dagus nga immarayat ti US Secret Service ket imbaba da daytoy nga adda dara iti rupa ken lapayag na, manipud iti podium.
Iti video footage makita nga intag-ay na pay laeng ti ima na idi ibaba isuna ti Secret Service agents.
Saan a makumpirma nu kanalbuong dayta ti paltog.
Agtultuloy iti imbestigasyon dagiti otoridad ken awan pay met iti naaresto a responsable iti insidente.
