LA UNION – Ginundawayan dagiti gagayyem, makaam-ammo, ken dadduma pay a cabagayan iti napapatay a mangisursuro a ni Joel Mendoza ti Parian Este, Bauang, La Union nga agturong ti maudi a rabii ti pannakalamay daytoy.
Nupay adu dagiti nagturong iti last night ni Mendoza idi rabii, nasurot met latta dagiti simple a wagas a panglaban iti COVID 19, kas iti panagsuot ti face mask ken physical distancing.
Nakatuding a maitabon iti napapatay a mangisursuro ita nga aldaw ti Martes, Nobyembre 10, 2020 iti sementeryo idiay Barangay Taberna, Bauang, La Union agarop alas 8:00 ti agsapa.
Maipalagip a napapatay ti mangisursuro idi Nobyembre uno, babaen kadagiti suspek a maipagarop nga agkasinsin.
Nasarakan ti maysa a mangngalap iti bangkay ni Mendoza iti igid ti baybay a sakop ti Barangay Pagdalagan Sur, Bauang, La Union idi agsapa ti Nobyembre uno.
Naglibas dagiti suspek, a pakairamanan iti maysa a 21-anyos ken menor de edad, ngem naarestar met laeng dagiti otoridad iti nagsina a lugar idi napan a lawas.
Nakabalud iti managan Darwin Soriano bayat a ti menor de edad a kasinsin na ket temporaryo a naipasidong iti custodiya ti DSWD.
