LA UNION – Saanen nga interesado iti pamilya Apiado nga ipursige pay ti kaso maikontra iti respondent driver a nakaigapwan ti pannaka-aksidente iti agassawa a Placido Apiado, 74 anyos ken Carmelita Apiado, 69, residente ti Barangay Madayegdeg, San Fernando City, a nakatayan ti immun-una.
Daytoy ket kalpasan a kinumpirma kabayatan iti interview ti Bombo Radyo La Union kenni Jeanry Apiado, a naki-areglo da iti respondent driver a Ian Paul Marzan, ti San Juan La Union tapno bayadan na amin a maiparbeng a gastos agingga iti danyos.
Kabayatanna, inlawlawag ni Jeanry nga awan kinapudno na iti nagwaras a damag a natayen iti ina da.
Kinapudnona kunana, palubosanen dagiti doktor a makarwar iti ospital ti inada ita nga aldaw ti Martes, Disyembre uno.
Ita met laeng nga aldaw, a namnamaen a maisangpet iti bangkay ti ama da iti pagtaengan da Jenry idiay Ilocanos Norte, San Fernando City, La Union.
Maipalagip a natay iti mister bayat a nakalasat ti misis na idi nadungpar ti nagluganan dagitoy a traysikel iti kotse a minaneho ni Marzan, iti kawatiwatan ti Barangay Madayegdeg ditoy syudad, idi parbangon ti Domingo.
