LA UNION – Temporaryo a naruk-atan ti pulis a suspek iti pammaltog a nakatayan iti dua a lallaki idiay siudad ti San Fernando, La Union.
Naammuan ti Bombo Radyo manipud ti San Fernando City Police Office, idi a maipasidong iti inquest pocedings ti suspek a ni PO1 Ricardo Rillo Jr. ket maipagarup nga imbilin ti San Fernando City Prosecutor’s Office a temporaryo a ruk-atan daytoy gapu ta awan iti pannakaammo dagiti immaresto kenkuana maipapan ti maipabpabasol a krimen.
Ngem naikkan met iti 10 nga aldaw nga agpalawag wenno agidatag ti counter affidavit ti suspek maipapan iti sangsanguenna a reklamo a pammapatay.
Immuna iti daytoy, ni PO1 Rillo iti maitudtudo ti testigo a maipagarup a nangpaltog kadagiti tallo a lallaki idi rabii ti May 17, 2017.
Dead on the spot ti dua a biktima, kabayatan a maysa met iti nasugatan ti napasamak a pammaltog.
Dagus met laeng a naaresto ti suspek idiay uneg ti balayna kalpasan ti nasao a krimen.
