LA UNION – Maysa a duk-duktalen dagiti otoridad maipapan iti napasamak a pammaltog iti e-games casino idiay ili ti Bauang idi rabii, ket iti panagduma ti langa ti suspek iti narekobre nga ID daytoy ken iti nakita nga itsura na iti CCTV footage.
Daytoy iti kinuna ni SBM Gabriel Sotto bayat iti eksklusibo nga interview ti Bombo Radyo La Union.
Inawagan pay ni konsehal Sotto a ‘karkarna’ iti napasamak a krimen agsipudta awan a pulos ammo da nga atraso ni Association of Barangay Captains wenno (ABC) President ken Punong Barangay Noel ‘Wowie’ Gallardo ti Pagdalagan Sur, iti sabali tao, a posible koma a makagapo iti pannakapapatay daytoy.
Ngem iti likudan ti napasamak ket saan latta a kanunongan ni konsehal Sotto iti maisingsingasing a panagarmas dagiti barangay officials.
Maipalagip nga idi napalabas a tawen ket insingasing ni Pres. Rodrigo Duterte nga armasan dagiti barangay officials tapno makatulong da iti pananglaban iti krimen.
Ngem kinontra dagiti mammanday linteg ket imbaga da a saan a simple iti tarigagay ti presidente, gaputa adda iti linteg ken proseso a rumbeng a masurot.
