Tinaripnong ni Executive Secretary Ralph Recto iti Unified Package for Livelihoods, Industry, Food, and Transport wenno UPLIFT Committee tapno papigsaen iti panagsagana ti gobierno iti epekto ti kumarkaro a tensyon idiay Middle East ken panagngato ti presyo dagiti produkto a petrolyo.
Agtultuloy iti monitoring ti gobierno iti epekto na iti ti plete, taraon, implasyon, ken ekonomiya. Segun iti DOE, umdas paylaeng iti suplay ti gasolina, diesel, ken liquefied petroleum gas ditoy pagilian.
Addaan metlaeng iti umdas a pondo iti Department of Social Welfare and Development (DSWD) tapno ituloy ti agingga ngudo iti tawen ti cash assistance ti aganay 7.5M a benepisyaryo ti UPLIFT program.
Kabayatanna, 14,026 nga Overseas Filipinos dagiti natalged a naiyawid ditoy Pilipinas manipud Middle East agingga Setyembre 11.
Naipangato pay iti P12 iti kada litro ti fuel discount kadagiti kwalipikado a transport workers, bayat nga agtultuloy iti toll exemption, commuter assistance, ken 50% fare discount iti MRT-3 ken LRT-2.
Agtaltalinaed met iti panangibunong kadagiti ayuda ti mannalon ken mangngalap, ken posible paya palawaen iti Department of Labor and Employment ti Tulong Panghanapbuhay sa Ating Disadvantaged/Displaced Workers wenno TUPAD emergency employment program apaman kasapulan.
