Aginnuna dagiti uppat a koponan para ti 1-0 lead iti bukodda a best-of-seven semifinals series iti agtultuloy a Season 50 PBA Commissioner’s Cup idiay Ynares Center, Antipolo City.
Agsango ita malem ti sister teams a TNT Tropang 5G ken Meralco, bayat nga inton alas-7:30 ti rabii iti Barangay Ginebra ken Rain or Shine.
Maipalagip nga inabak ti Bolts iti Tropang 5G idi Abril 7 kabayatan ti umuna a panagsangoda iti eliminations bayat nga inabak met ti Ginebra iti Rain or Shine iti umuna a labanda iti eliminations idi Mayo 3.
Mangnamnama ti TNT iti import a ni Bol Bol, kada Calvin Oftana, Roger Pogoy, Jayson Castro, Kelly Williams, ken Henry Galinato.
Itapat met ti Bolts da Marvin Jones, Chris Newsome, CJ Cansino, Jason Brickman, Bong Quinto, ken Cliff Hodge.###
