Nangidatag ti subpoena iti Philippine National Police (PNP) Criminal Investigation and Detection Group (CIDG) para kadagiti uppat a lider manipud iti saanen a nainaganan a progresibo a grupo tapno rugian iti imbestigasion seknan dagiti pasamak ti Trillion Peso March Rally idiay Manila idi Setyembre 21.
Segun kenni CIDG Public Information Office Officer-in-Charge Police Major Helen Dela Cruz, panggep ti subpoena a lawlawagan dagiti napasamak a gulo idiay Manila a nagresulta ti panakadangran dagiti pulis ken panakaarestar dagiti sumagmamano nga indibidual a paset ti nasao a tignay.
Wagas met daytoy tapno maamwan no adda ti pakainaigan ti grupo iti napasamak ken no adda ti impatulod da a tao tapno mangisaknap ti riribuk nga iti rumbeng kuma ket nakappia a protesta laeng.
Sumaruno nga addang ti CIDG seknan dagiti personalidad a pinaayaban da ket iti panagsubmitir ti petisyon para iti indirect contempt of court para kadagiti maimbitaran nga indibidual a saan a simungbat iti petisyon kas penalty a maitunos iti maipatpatungpal a linteg seknan iti panangipila ti subpoena.
Kabayatanna, kadagiti uppat a lider a napaayaban, maysa laeng iti nagparang ken simungbat iti subpoena ti CIDG bayat a tallo dagiti ur-urayen ita ti unit.
Kenuna met ni PNP Spokesperson ken Public Information Office Chief Police Brigadier Randulf Tuano, saan nga agleppas ditoy dagiti paayaban da nga indibidual agsipud ta posible nga imbitaran da iti saan a bumaba ti 20 nga personalidad tapno agpalawag kenkuada maipanggep iti napasamak a riot.###
