Nadundunor dagiti uppat nga indibidwal kasaruno ti panagbettak idiay Tayuman Street, kanto ti Dagupan Street idiay Manila idi malem ti Dominggo, Agosto 3.
Segun iti Manila Police District’s Explosive Ordnance Division (MPD-EOD), maysa a dismantled air-conditioning compressor iti nakita da iti nakapasamakan ti insidente ken napagammoan nga isu’t gapu iti nasao a panagbettak.
Dagos a inturong iti ospital dagiti emergency responders manipud Bureau of Fire Protection (BFP), Philippine National Police (PNP), ken lokal na rescue units dagiti biktima a nakaro iti pannakadangran da.
Saan pay a dinakamat dagiti otoridad ti pakabigbigan dagitoy kasta met iti agdama a kasasaad da ngem dua kadakuada ket naiturong idiay Tondo General Hospital bayat a ti maysa met ket naiturong idiay Jose Reyes Memorial Medical Center.
Na-secure itan ti lugar kabayatan nga agtultuloy iti imbestigasyon. Naballaagan met dagiti tattao a saan nga umasideg iti nakapasamakan ti insidente.
