LA UNION – Arestado dagiti uppay nga agsusugal idiay Barangay Ambaracao, ili ti Naguilian, La Union.
Naammuan ti Bombo Radyo manipud iti Naguilian Police Station, dagiti saanen a nainaganan nga indibidual ket naaktuan dagiti pulis nga aga-ay-ayam iti pusoy.
Malaksid iti baraha, karaman kadagiti kinumpiskad dagiti otoridad iti P120 a kwarta a pagtaytaya dagitoy.
Dagiti nasao a suspek ket napagmulta maiyannurot iti maipatpatungpal nga ordinansa ti nadakamat nga ili kontra iti iligal a sugal.
