Insapublikon dagiti uppat a senador iti Statement of Assets, Liabilities, and Net Worth wenno SALN.
Immunan a nagboluntaryo a mangiruar ti pakabuklan a kinabaknang ni Senadora Risa Hontiveros nga aggatad ti dandani ₱19 million; Senador Robinhood Padilla, ₱244 million; Senate President Vicente Sotto III, ₱188.9 million; ken Senador Sherwin Gatchalian, ₱89.5 million.
Maibasar iti dokumento, awan ti nakalanad nga utang wenno liability ni Gatchalian.
Dua a residential condominium units iti nakaikabil kadagiti real property nga aggatad ti ₱40.1 milyon.
Adda met ti personal a sanikuana kas iti shares of stock, cash in bank, ken motorsiklo, nga aggatad ti pakabuklan a ₱49.3 million.
Iti kapada a dokumento ket nakalanad dagiti interes na iti negosio, kas iti panagbalin na a shareholder kadagiti lima a kompania.
Awan met ti naideklara nga asawa wenno anak a menor de edad iti pagtaengan na, ngem paset iti listaan dagiti kabsat na nga agserserbi iti gobierno nga isuda Department of Social Welfare and Development Secretary Rex Gatchalian ken Valenzuela Mayor Wes Gatchalian.
Segun kenni Gatchalian, no awan ti ilemlemmeng ket awan ti agbalin a problema iti panangiruar ti Statement of Wealth.
Awan pay met ti pinagkedkedan na nga indibidual a nagkiddaw ti kopya ti SALN ken awan ti makitkita na a security concern iti pnangisapubliko ti sankua dagiti opisial ti gobierno.###
