Pinaglibakan ni US First Lady Melania Trump nga adda iti nasinged a koneksyon na iti kontrobesyal a child trafficker a ni Jeffrey Epstein.
Kinuna na nga awan iti kinapudno dagiti damag a nasinged da a dua ni Epstein ken pinagtalikudan dagiti damag nga isuna iti rason ken nangipaam-ammo ti kriminal kenni US President Donald Trump.
Nagpanawagan pay isuna iti Kongreso ti Estados Unidos a mangisayangkat ti panagdengngeg para kadagiti nakalasat iti sex trafficking ni Epstein, kasaruno ti panangpasingked a saan isuna a karaman kadagiti biktima ken daitoy ket madaddadaelan laeng.
Ni Epstein ket maysa nga American financier ken convicted sex offender a nangpataray ti sex trafficking network, karamanen dagiti menor de edad, idi tawen 2008.
Nangipila isuna ti guilty plea sadiay Florida ti kaso a soliciting prostitution from a minor ken naibalud ti 13 a bulan sakbay a nakawaya.
Tawen 2019 met ket naarestar man isunan gapo iti federal trafficking charges ken mapapati a nagpakamatay bayat ti kaadda na iti pagbaludan – banag nga agingga ita ket mapagsasaritaan paylaeng nu agpayso wenno saan.
