Inakusaran ti Estados Unidos ti Russia a mangipapaay dagiti intelligence report iti Iran.
Segun ti White House, adda dagiti sumagmamano a nakalap nga impormasion maipapan iti panangipaay ti Russia dagiti intel iti lokasion dagiti soldado ti Estados Unidos.
Agtultuloy nga agkalkalap ti impormasion iti White House maipapan iti nasao a saritaan.
Nakaisubli iti Estados Unidos dagiti sumagmamano nga Amerikano a maip-ipit iti riribuk idiay Middle East.
Pinasingkedan ni Assistant Secretary of State for Global Public Affairs Dylan Johnson nga adda dagiti chartered flight nga innala ti US government tapno iyakar dagiti umili.
Dumanon ti 13,000 nga Amerikano idiay Middle East iti natulonganda.
Maibasar iti patta ti Iran, addan ti 1,322 dagiti natay gaputi panagraut ti Estados Unidos ken Israel.###
