Inwaragawag ni U.S. President Donald Trump idi Lunes (Aldaw idiay Amerika) a nagperman iti Estados Unidos ken Iran iti maysa a Memorandum of Understanding nga addaan panggep a gibusan iti agtultuloya tensyon iti Gulf region ken luktan manen iti Strait of Hormuz.
Segun kenni Trump, napermaanen iti katulagan bayat nga adda iti G7 summit idiay France.
Innayon na pay, apagapaman a maluktanen iti dalan ti langis a mano a bulanen a naapektaran ti blockade a nangigubuay ti global economic disruption.
Nakatuding iti panangisayangkat ti special ceremony idiay Geneva inton Biyernes bayat a manamnama a mairuar iti publiko iti sibubukel a detalye ti katulagan kadagiti sumaruno nga aldaw.
Nupay kasta, dagos daytoy a dinillaw dagiti kritiko ti Estados Unidos no sadino nagpanawagan ni Senate Democratic leading Chuck Schumer nga isapublikon iti sibubukel a karga ti katulagan ken ilawlawag no anya iti pudno a kasukat ti nasao a deal karaman iti epekto daytoy iti seguridad ti Amerika.
Kagiddan ti panagpirma iti katulagan, naipadamag a bimmaba iti presyo ti langis iti sangalubongan a merkado gapu iti namnama a malpasen iti krisis iti supply, bayat a ngimmato met dagiti stock market indices.
Malaksid iti panaglukat ti Strait of Hormuz, naipadamag met a karaman iti katulagan iti panangipatungpal ti 60 nga aldaw a ceasefire para iti negosasion seknan iti dakdakkel nga isyu, karaman iti nuclear program ti Iran ken posible a panangikkat dagiti sanctions.
Maipagarup nga immunan nga inbaga dagiti sumagmamano nga opisial ti U.S. a mabalin a maaddaan ti dakkel nga economic benefits para iti Iran iti katulagan, ngem kasukat daytoy dagiti kondision a saan a rumbeng a mangpartuat ti nuclear weapon.
Kabayatanna, agtultuloy ti tensyon iti rehiyon, kangrunaan idiay Lebanon a pangrinrinnupakan ti Israel ken Hezbollah. Naipadamag met ti kabaruan a drone Strike idiay southern Labanon sumagmamano nga oras kalpasan a naipadamag iti katulagan.
Awan pay ti opisial a waragawag iti Israel maipapan iti nasao a katulagan, ngem segun kadagiti sumagmamano nga opisial ti pagilian a saan da a nakaragsakan iti nasao a katulagan.###
