Agsagsagana iti Estados Unidos ken Ukraine ti baro a plano tapno magibusan iti gubat ti nasao a pagilian kalpasan a pinagkedkedan ti Kyiv iti orihinal nga US proposal a pabor iti Kremlin.
Nabukel iti “refined peace framework” idiay Geneva, ngem saan pay a naidetalye no kasano a mataming dagiti narigat nga isyu kas iti seguridad ken teritorio.
Agtultuloy ti negosasion, segun kenni President Zelensky, tapno makabirok ti kompromiso a mangpapigsa iti Ukraine.
Ilunglungalong ti Estados Unidos iti ceasefire deal tapno gibusan iti giera iti nagbaetan ti Russia ken Ukraine.
Kabayatanna, timmama iti drone attack idiay Kharkiv, bayat a lablabanan ti Russia dagiti Ukrainian drone nga agturong idiay Moscow.
Nagpanawagan dagiti European leaders ti nakailintegan ken napaut a kinakappia.#
