Inwaragawag ni US President Donald Trump a mabalin a lippasenen ti America dagiti military attacks idiay Iran iti uneg ti dua wenno tallo a lawas.
Kenunana a saanen a kasapulan ti Iran a makitulag iti Estados Unidos kas kondision tapno agpatingga ti gubat.
Inrason ni Trump, ti katulagan iti Iran ket “irrelevant” ken impaganetgetna a baybay-an ti Estados Unidos ti Islamic country no masigurado a saan a mangpataud ti rehimen ti nuclear weapon kadagiti sumaruno a tawen.
Imbagana pay a nasukatandan iti rehimen ti Iran, a saan a paset ti planoda. Impaganetget ni Trump a maymaysa laeng ti panggepda–ti masigurado nga awan ti nuclear weapons ti Iran, a nagun-oden ti America.
Inaramid ti US President iti waragawag kagiddan ti panagserrek ti gubat nga adda itan iti maikalima a lawas.
Sakbayna, inwaragawag ti White House a nakatuding a mangted ti update iti US President maipapan iti gubat idiay Iran, iti alas 9:00 ti rabii ti Eastern Daylight Time (EDT) inton Mierkoles wenno alas 9:00 ti bigat, oras ditoy Pilipinas, Huebes, Abril 2.
Malagip nga idi damo, impangta ti Estados Unidos a papigsaen dagiti military operations no pagkedkedan ti Iran ti 15-point ceasefire framework nga inlatag ti US.
Karaman kadagiti kidkiddawen daytoy iti commitment ti Iran nga isardeng iti panagaramid ti nuclear weapons, isardeng ti uranium enrichment, ken naan-anay a pannakalukat ti Strait of Hormuz.###
