Nagpakdaar iti administrasyon ni US President Donald Trump kadagiti pagilian nga agtultuloy iti negosasyon da sadiay Iran, nga uray isuda ket posible a mapaulogan iti secondary sanctions, ngem awan pay iti baro a pannusa kontra kadagiti nasao a lugar iti agdama.
Segun kenni US Treasury Secretary Scott Bessent, iyuswat ti Estados Unidos iti “economic onslaught” kontra kadagiti financial connections iti Iran iti nagduduma a paset ti lubong.
Nangipaulog iti Estados Unidos ti sanction kontra kadagiti 60 nga indibidwal, entidad, ken barko ti China, United Arab Emirates, Singapore, ken dadduma pay a pagilian, agramanen ti France, nupay saan a karaman kadagitoy dagiti Chinese financial institutions, nga inakusaran da a mangpalpalaka iti oil trade ti Iran.
Kinuna ni Bessent a posible a sakop iti secondary sanctions dagiti digital assets, gold, technology, aviation, ken shipping sectors.
Kabayatanna, nakatuding nga agsarak da Trump ken Chinese President Xi Jinping idiay Washington inton maudi a paset ti Setyembre, isu a sensitibo ti isyu sakbay dagiti baro a sanctions.
