LA UNION – Umabot ti P28 million wenno aganay $500,000 a balor ti humanitarian supplies ken logistical support iti impaay ti Estados Unidos ditoy Pilipinas para kadagiti umili a Pilipino a nakaru a naapektaran ti Bagyo Julian.
Iti nasao a tulong ket indaulwan ti United States Agency for International Development (USAID) a mangipapaay ti emergency shelter, danum, sanitation ken hygiene support.
Aganay 4,000 a pamilya wenno aganay 16,000 a tattao ti maipaayan wenno mabenipisyaran ti nasao a tulong manipud Amerika.
Segun iti US Embassy ditoy Pilipinas, sipud idi October 7, iti US Department of Defense ket nag mobilized ti military assets a mangitulod ti logistical support iti Armed Forces of the Philippines ken kadagiti kameng ti Office of the Civil Defense iti panangi transport dagiti humanitarian supplies manipud Manila agturong idiay Batanes.
Siniguro met ni US Ambassador Marykay Carlson iti tulong ti Amerika kadagiti dinuprak ti bagyo Julian.
Iti agdama kunana, makiko-koordinar ti US kadagiti gagayyem da a Pinoy ken partners tapno tumulong iti panangibunong ti humanitarian aid.
Impanakkel met ti US a nangrugi idi 2010 umaboten iti P21.8 Billion wenno kaibatugan ti $388 million iti impaay da iti Pilipinas para iti disaster response, preparedness and recovery.
