Pormal nga impadamag ni United States Defense Secretary Pete Hegseth iti panaglunsad ti US military kontra iti “narco-terrorist”.
Kasaruno daytoy iti panangikabil da dagiti aircraft carrier, fighter jets, ken suldado iti kabaybayan ti Latin America.
Idauluan ti Joint Task Force Southern Spear ken US Southern Command iti Operation Southern Spear.
Ti misyon ket depensaan iti Estados Unidos tapno mapaksiat dagiti narco-terrorists ken masalakniban dagiti umili manipud iti ilegal a droga.
Maipalagip a nangisayangkat ti 20 nga airstrike iti US kadagiti bagka a mapapati nga agim-imet ti ilegal a droga idiay Caribbean ken Pacific, banag a kinondinar ti United Nations gapo ta maysa daytoy a panaglabsing iti human rights. #
